Սլովակիայի մայրաքաղաք Բրատիսլավայում մեկնարկել է ըմբշամարտի Եվրոպայի առաջնությունը:
Ապրիլի 7-ին՝ մրցումային առաջին օրը, Հայաստանի հավաքականից մրցագորգ են դուրս եկել ազատ ոճայիններ Մանվել Խնձրցյանը (57 կգ), Վազգեն Թևանյանը (65 կգ), Արման Անդրեասյանը (70 կգ), Հայկ Պապիկյանը (79 կգ) և Գուրգեն Սիմոնյանը (97 կգ):
Խնձրցյանը պայքարը սկսել է քառորդ եզրափակչից, որտեղ հանդիպել է ռուս ըմբիշին, սակայն զիջել է մրցակցին:
Թևանյանը մեկնարկում հաղթել է բելառուս մրցակցին 3:0 հաշվով, սակայն քառորդ եզրափակչում ցավալի պարտություն է կրել՝ 2:3 հաշվով զիջելով ռուս ըմբիշին:
Անդրեասյանը 1/8-ում 10:0 հաշվով հաղթանակ է տարել լեհ Լուժինցկինի նկատմամբ, իսկ քառորդ եզրափակչում 4:0 հաշվով հաղթել է Ուկրաինայի ներկայացուցչին՝ դուրս գալով կիսաեզրափակիչ:
Հայաստանի մյուս ներկայացուցիչներ Հայկ Պապիկյանը և Գուրգեն Սիմոնյանը մեկնարկային գոտեմարտերում 0:10 հաշվով զիջել են մրցակիցներին:
Sportmedia.am-ը սպորտային մեդիա հարթակ է, որտեղ ներկայացվում են հայկական և միջազգային սպորտի ամենակարևոր և ամենաքննարկվող իրադարձությունները։ Մենք տրամադրում ենք արագ ու վստահելի լուրեր, վերլուծություններ, հարցազրույցներ և հեղինակային բովանդակություն՝ տարբեր մարզաձևերից։
Բոլոր իրավունքները պաշտպանված են։ Մեջբերումներ կատարելիս Sportmedia.am-ին ակտիվ հղումը պարտադիր է։
Կայքը պատասխանատվություն չի կրում գովազդային նյութերի բովանդակության համար։
Կայքը պատրաստված է orf.armenyan -ի կողմից։
