Արթուր Ալեքսանյանը վնասվածքի պատճառով է բաց թողնելու աշխարհի առաջնությունը

Օլիմպիական խաղերի ոսկե, կրկնակի արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Արթուր Ալեքսանյանը չի մասնակցի Ղազախստանի մայրաքաղաք Աստանայում կայանալիք ըմբշամարտի աշխարհի առաջնությանը:

Հայաստանի ըմբշամարտի ֆեդերացիայի մամուլի ծառայությունը հայտնել է, որ 34-ամյա ըմբիշը վնասվածքի պատճառով է բաց թողնելու ԱԱ-ն: 97 կգ քաշային կարգում Ալեքսանյանին կփոխարինի Մ-23 աշխարհի չեմպիոն Հայկ Խլոյանը: Օլիմպիական չեմպիոնն այս տարի չէր մասնակցել նաև Եվրոպայի առաջնությանը:

Հիշեցնենք, որ հունահռոմեական ոճի ըմբշամարտի Հայաստանի հավաքականի կազմում ԱԱ-ին կմասնակցեն նաև Նորայր Հախոյանը (55 կգ), Սուրեն Աղաջանյանը (60 կգ), Կարեն Ասլանյանը (63 կգ), Սլավիկ Գալստյանը (67 կգ), Աշոտ Խաչատրյանը (72 կգ), Մալխաս Ամոյանը (77 կգ), Սամվել Գրիգորյանը (82 կգ), Գևորգ Թադևոսյանը (87 կգ) և Ռազմիկ Քուրդյանը (130 կգ):

Ըմբշամարտի աշխարհի առաջնությունը կայանալու է հոկտեմբերի 24-ից նոյեմբերի 1-ին: