Ըմբշամարտի Մ17 ԱԱ. Բալեյանը պարտվեց կիսաեզրափակչում և կպայքարի բրոնզե մեդալի համար

Բաքվում ընթացող ըմբշամարտի Մ17 տարեկանների աշխարհի առաջնությունում Հայաստանի ներկայացուցիչ 55 կգ քաշային Դավիթ Բալեյանը կպայքարի բրոնզե մեդալի համար:

Բալեյանը դուրս էր եկել կիսաեզրափակիչ, որտեղ, սակայն, 1:7 հաշվով զիջել է Ուզբեկստանի ներկայացուցիչ Ջակոնգիր Տուլկունովին:

Հայ ըմբիշը պայքարը սկսել էր որակավորման փուլից, որտեղ 8:6 հաշվով առավելության էր հասել Լեհաստանի ներկայացուցիչ Պրշեմիսլավ Մռոժեկի նկատմամբ: 1/8 եզրափակչում Դավիթը հաղթահարել էր մեքսիկայի ըմբիշի արգելքը (0:0), իսկ քառորդ եզրափակչում 4-1 հաշվով առավելության էր հասել վրացի Սաբա Մինդիաշվիլիի նկատմամբ: