Սարդարապատի տպավորիչ նորամուտը ՀՊԼ-ում. վստահ հաղթանակ՝ Վանի նկատմամբ

Հայաստանի Պրեմիեր լիգայի 2026/27 մրցաշրջանի առաջին տուրում ՀՊԼ նորեկ «Սարդարապատը» Չարենցավանում հյուրընկալվել է «Վանին» և 4:1 հաշվով վստահ հաղթանակ տարել նորամուտի խաղում:

Հանդիպման հաշիվը 31-րդ րոպեին բացել է Լևոն Պետրոսյանը՝ խփելով ինչպես ՀՊԼ նոր մրցաշրջանի առաջին գոլը, այնպես էլ՝ «Սարդարապատի» պատմության առաջին գոլը Պրեմիեր լիգայում:

 

42-րդ րոպեին Համլետ Մինասյանն անվրեպ է իրացրել 11-մետրանոցը՝ կրկնապատկելով իր թիմի առավելությունը, իսկ 69-րդ րոպեին Ջանիկ Դավթյանը հաշիվը դարձրել է խոշոր: Խաղավարտին՝ 85-րդ րոպեին, 11-մետրանոց է նշանակվել է արդեն հյուրերի դարպասին: Չարենցավանը ներկայացնող թիմի կազմում միակ գնդակը հեղինակել է Պետրոս Ավետիսյանը՝ անվրեպ իրացնելով 11-մետրանոցը: Հիմնական ժամանակին ավելացված 3-րդ րոպեին էլ հանդիպման վերջնահաշիվը ձևակերպել է «Սարդարապատի» փորձառու պաշտպան Արթուր Դանիելյանը՝ 1:4:

Այսպիսով, «Սարդարապատը» առաջին հաղթանակն է տարել Հայաստանի Պրեմիեր լիգայում:

Վաղը՝ օգոստոսի 1-ին, կկայանա ՀՊԼ առաջին տուրի ևս 2 հանդիպում: ԲԿՄԱ-ն Երևանում կընդունի Գյումրիի «Շիրակին», խաղի սկիզբը՝ 18:00: 20:00-ին էլ «Ջունիոր Սպորտ» մարզադաշտում կկայանա «Գանձասար»-«Արարատ-Արմենիա» հանդիպումը: