Ամեն ինչ կանեմ այս տարի աշխարհի եռակի հաղթող դառնալու համար. Մալխաս Ամոյան
Հունահռոմեական ոճի ըմբիշ Մալխաս Ամոյանն ամփոփել է Ալբանիայում անցկացված Եվրոպայի առաջնությունը, որտեղ նա նվաճեց Եվրոպայի 5-ակի չեմպիոնի կոչումը:
«Կուզեի էլ ավելի լավ հանդես գալ եզրափակիչ գոտեմարտում, փորձեի հնարք կատարել, բայց վրացի ըմբիշն էր տեխնիկապես հարուստ ըմբիշ է, և նրա հետ էլ պետք է մի փոքր զգույշ գոտեմարտել, և այդ պահին ինձ համար ամենակարևորը հաղթանակն էր, բայց կուզենայի էլ ավելի լավ հանդես գայի։
Ես անձամբ ինքս եմ ինձ վրա զգում եմ, թե ամեն տարի ինչ բարդ է տրվում ինձ այս հաղթանակը: Բոլորն էլ պատրաստվում են քո դեմ, ուզում են հաղթել, դու էլ պատրաստվում ես նրանց դեմ, պատասխանատվությունդ էլ ավելի մեծանում է, բոլորը գորգ են դուրս գալիս ամեն գնով քեզ հաղթելու համար:Երևի դա է պատճառը, որ գնալով էլ ավելի է դժվարանում։
Այժմ պետք է մոռանանք Եվրոպայի առաջնությունը և պատրաստվենք աշխարհի առաջնությանը։ Հիմնականում կփորձեմ այս տարի հռչակվել աշխարհի եռակի հաղթող, ամեն ինչ կանեմ, իսկ հետո արդեն գորգը ցույց կտա, թե ինչ մարզավիճակում կլինենք»,- ասել է Մալխաս Ամոյանը լրագրողների հետ հանդիպման ժամանակ:
