Երկար ժամանակ թիմային 3-րդ տեղ չէինք գրավել. Հաբեթնակ Կուրղինյանը՝ Եվրոպայի աաջնության մասին

Հայաստանի ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանն ամփոփել է Ալբանիայում անցկացված Եվրոպայի առաջնությունը, որտեղ Հայաստանի հավաքականը երեք բրոնզե մեդալ է նվաճել:

Կուրղինյանն առանձնացրել է նաև թիմային երրորդ տեղը, որը հատկապես ուրախալի է, քանի որ հավաքալանն  արդեն կարողանում է թիմային պայքար տանել, ինչպես նաև մյուս քաշային կարգերում պայքարել մեդալների համար։

Մարզչի խոսքով՝ ամենաբարդը գերծանր քաշայինների պայքարում արդյունք ապահովելն է, իսկ այս անգամ Հայաստանը ներկայացնող 23-ամյա Խաչատուր Խաչատրյանը զբաղեցրել է 5-րդ տեղը:

Ընդհանուր առմամբ թիմի արդյունքը լավ եմ գնահատում։ Մենք թիմային երրորդ տեղ ենք գրավել, ինչը երկար ժամանակ չէր եղել։ Ութ մարզիկից հինգը պայքարել են մեդալի համար։ Սա լավ արդյունք է՝ հաշվի առնելով մեր պայմանները։