Ցանկանում եմ 5-րդ անգամ նվաճել Եվրոպայի չեմպիոնի տիտղոսը․ Արսեն Հարությունյան (տեսանյութ)

Եվրոպայի առաջնությանը նախապատրաստվող Ազատ ոճի ըմբշամարտի Հայաստանի հավաքականն այսօր բաց մարզում է անցկացրել։

Եվրոպայի քառակի չեմպիոն Արսեն Հարությունյանը լրագրողների հետ զրույցում խոսել է մարզավիճակի, ԵԱ-ից սպասելիքների մասին․ 

 «Մարզավիճակս շատ լավ է։ Անցկացրել ենք շատ հավաքներ ու փորձել ենք սխալների վրա աշխատել։ Եվրոպայի առաջնության գորգը ցույց կտա, թե ինչքան եմ  աշխատել ու ինչքան լավ մարզավիճակում եմ։ Ճանաչում եմ իմ քաշային կարգում բոլոր մրցակիցներիս, բոլորի հետ գոտեմարտել եմ, մնացածը գորգը ցույց կտա։ Եվրոպայի քառակի չեմպիոն եմ ու ուզում եմ 5-րդ անգամ դառնալ չեմպիոն»,-ասել է Արսեն Հարությունյանը։ 

Հայաստանի ըմբշամարտի ֆեդերացիան ավելի վաղ ներկայացրել էր Հայաստանի ազատ և հունահռոմեական ոճի ըմբշամարտի հավաքականների կազմերն ապրիլի 20-26-ն Ալբանիայի մայրաքաղաք Տիրանայում կայանալիք ըմբշամարտի Եվրոպայի առաջնությունում:

Հարցազրույցն ամբողջությամբ՝ Sportmedia.am-ի ինստագրամյան էջում։