Չենք կարողանում կառավարել մեր էմոցիաները․ Արսեն Հովհաննիսյանը՝ ԲԿՄԱ-ի հետ խաղից հետո

ՀՊԼ 16-րդ տուրից հետաձգված խաղում Գյումրիի «Շիրակը» սեփական հարկի տակ ոչ-ոքի՝ 1։1 հաշվով է ավարտել ԲԿՄԱ-ի հետ հանդիպումը:

Խաղից հետո կայացել է «Շիրակի» գլխավոր մարզիչ Արսեն Հովհաննիսյանի հետխաղային մամուլի ասուլիսը։ 

«Կորուստներով էինք մոտեցել հանդիպմանը։ Մհեր Թառլոյանն ու Նարեկ Ջանոյանը նախորդ խաղում վնասվածք էին ստացել ու մեծ ռիսկ կար խաղացնելու հետ կապված։ Չգնացինք այդ ռիսկին։ Առաջին կեսից շատ դժգոհ եմ։ Պատճառները պարզ են, մենք ընդմիջմանը խոսեցինք այդ մասին։ Չենք կարողանում մեր էմոցիաները կառավարել ու հենց դրա պատճառով առաջին խաղակեսը վատն էր, բայց երկրորդ խաղակեսում ավելի լավն էինք՝ պահեր ունեինք։ Երկկողմանի լավ հանդիպում էր, կարող էինք և՛ հաղթել, և՛ պարտվել։ ԲԿՄԱ-ն էլ իր պահերն ուներ։ Ամեն դեպքում գոհ եմ տղաների կատարած աշխատանքից»,-ասել է Հովհաննիսյանը պատասխանելով Sportmedia.am-ի թղթակցի հարցին։



ԲԿՄԱ-ի գլխավոր մարզիչ Արմեն Գյուլբուդաղյանցը չի ներկայացել հետխաղային մամուլի ասուլիսին։