Հայաստանի գավաթ․ Նոան հաղթեց Արարատ-Արմենիային․ Թիմերից մեկական ֆուտբոլիստ հեռացվեց խաղադաշտից

Հայաստանի գավաթի խաղարկության կիսաեզրափակիչի «Արարատ-Արմենիա»-«Նոա» դիմակայության առաջին խաղում հաղթեց Սանդրո Պերկովիչի գլխավորած թիմը։ Հանդիպման միակ գոլը հեղինակեց Նարդին Մուլահուսեյնովիչը՝ 25-րդ րոպեին։

70-րդ րոպեին հանդիպման գլխավոր մրցավար Վարդան Մանուկյանը միանգամից 2 կարմիր քարտ ցույց տվեց՝ խաղադաշտից հեռացնելով Նաթանաել Սաինտինիին ու Կամո Հովհաննիսյանին։ Թիմերը մնացին 10 հոգով, իսկ «Նոան» հանդիպումն ավարտեց 9 ֆուտբոլիստով, քանի որ Վալենտին Կոստակեն հիմնական ժամանակին ավելացրած 6-րդ րոպեին վնասվածք ստացավ ու չկարողացավ շարունակել հանդիպումը, իսկ «Նոայի» մարզչական շտաբը սպառել էր փոփոխություններ կատարելու հնարավորությունը։

Թիմերի միջև պատասխան խաղը կկայանա ապրիլի 29-ին։

Հիշեցնենք, որ կիսաեզրափակիչի մյուս զույգը կազմած «Անդրանիկն» ու «Ուրարտուն» դիմակայության առաջին խաղում հաղթողին չէին պարզել։