Մարզիկները լավ մարզավիճակում են՝ մարտական տրամադրվածությամբ․ Հաբեթնակ Կուրղինյան (տեսանյութ)

Եվրոպայի առաջնությանը նախապատրաստվող Ազատ ոճի ըմբշամարտի Հայաստանի հավաքականն այսօր բաց մարզում է անցկացրել։

Հայաստանի հավաքականի գլխավոր մարզիչ Հաբեթնակ Կուրղինյանը լրագրողների հետ զրույցում խոսել է ըմբիշների մարզավիճակի, ԵԱ-ից սպասելիքների մասին․

«Մարզիկները լավ մարզավիճակում են՝ մարտական տրամադրվածությամբ։ Նախապատրաստական աշխատանք անցկացրել ենք, անցել ենք և՛ ընդհանուր ֆիզիկական պատրաստություն, և՛ հատուկ ֆիզիկական պատրաստություն, հավաք ենք ունեցել միջազգային՝ Վրաստանում, մի քանի երկրների հավաքականների հետ։ Վերջին հավաքն անցկացնում ենք այստեղ՝ Երևանում»,-ասել է Կուրղինյանը։

Հայաստանի ըմբշամարտի ֆեդերացիան ավելի վաղ ներկայացրել էր Հայաստանի ազատ և հունահռոմեական ոճի ըմբշամարտի հավաքականների կազմերն ապրիլի 20-26-ն Ալբանիայի մայրաքաղաք Տիրանայում կայանալիք ըմբշամարտի Եվրոպայի առաջնությունում:

Հարցազրույցն ամբողջությամբ՝ Sportmedia.am-ի ինստագրամյան էջում։