Ըմբշամարտի Մ20 ԱԱ․ Արման Մուսիկյանը՝ բրոնզե մեդալակիր

Բուլղարիայի Սամոկով քաղաքում ընթացող ըմբշամարտի Մ20 տարեկանների աշխարհի առաջնությունում Հայաստանի ներկայացուցիչ, 65 կգ քաշային ազատ ոճի ըմբիշ Արման Մուսիկյանը բրոնզե մեդալի համար պայքարում 4։0 հաշվով հաղթել է ուկրաինացի Վիկտոր Բորոհանին:

Մուսիկյանը պայքարը սկսել էր որակավորման փուլից, որտեղ 10։0 հաշվով առավելության էր հասել Նոր Զելանդիայի ներկայացուցչի նկատմամբ։ 1/8 եզրափակիչում հայ ըմբիշը 2։5 հաշվով զիջել էր ճապնոացի Ռեիջի Ուչիդային, որը արժանացավ արծաթե մեդալի։

Մուսիկյանը սփոփիչ գոտեմարտում հաղթել էր Ուզբեկստանի ներկայացուցչին։

Հիշեցնենք, որ 79 կգ քաշային Նարեկ Նիկողոսյանը վնասվածքի պատճառով չէր մասնակցել սփոփիչ գոտեմարտին, իսկ Արման Հարությունյանը (57 կգ) և Նարեկ Իկիլիկյանը (92 կգ) դուրս են մնացել մեդալների համար պայքարից։

Այսօր պայքարի մեջ մտած Սարգիս Բեգոյանը (61 կգ) և Ռազմիկ Եփրեմյանը (86 կգ) պարտվել էին 1/8 եզրափակիչում և վաղը սփոփիչ գոտեմարտեր կանցկացնեն։