Կարեն Խաչանովը դուրս է եկել Հալլեի մրցաշարի կիսաեզրափակիչ

Աշխարհի 22-րդ ռակետ, Ռուսաստանը ներկայացնող հայ թենիսիստ Կարեն Խաչանովը դուրս է եկել Գերմանիայի Հալլե քաղաքում անցկացվող ATP-500 թենիսի մրցաշարի կիսաեզրափակիչ եզրափակիչ՝ 1/4 եզրափակիչում 6:3, 6։2 հաշվով առավելության հասնելով Արգենտինան ներկայացնող Մարտին Էչևերիի նկատմամբ։

Հանդիպումը տևել է 1 ժամ 12 րոպե։

Կիսաեզրափակիչում Կարեն Խաչանովը կխաղա Ղազախստանը ներկայացնող Ալեքսանդր Բուբլիկի հետ, որը սենսացիոն հաղթանակ էր տարել 1-ին ռակետ Յանիկ Սինների նկատմամբ՝ դուրս գալով քառորդ եզրափակիչ, ապա առավելության էր հասել Թոմաս Մախաչի նկատմամբ։

Խաչանով-Բուբլիկ զույգի հաղթողը եզրափակիչում կմրցի Դանիլ Մեդվեդև-Ալեքսանդր Զվերև զույգի հաղթողի հետ։

Նշենք որ Հալլեում ընթացող մրցաշարը նախապատրաստական բնույթ է կրում «Մեծ սաղավարտի» Ուիմբլդոնի համար։