Թենիսի Հայաստանի կանանց հավաքականը 2-րդ անընդմեջ հաղթանակն է տարել

Մոլդովայում շարունակվում է Բիլլի Ջին Քինգի գավաթի խաղարկությունը:

Երրորդ ենթախմբում ընդգրկված Հայաստանի հավաքականը երեկ 2:1 հաշվով հաղթանակի է հասել Անդորրայի հավաքականի նկատմամբ:

Մենախաղում հաղթանակ է տարել Ալինա Սողոմոնյանը (6:3 6։1), իսկ Անի Ամիրաղյանը զիջել է մրցակցին։

Անի Ամիրաղյան-Ալինա Սողոմոնյան զույգը հաղթել է զուգախաղում (6:2 6։1)։

Հայաստանի հավաքականի ավագը Գայանե Մովսիսյանն է։

Անդորրայից բացի, Հայաստանի հետ նույն խմբում են ընդգրկված նաև Մալթայի ու Սան Մարինոյի հավաքականները։

Հիշեցնենք, որ 1-ին տուրում Հայաստանի հավաքականը 3։0 հաշվով հաղթել էր Սան Մարինոյին։