Ըմբիշ Ջանես Նազարյանը Բաքվում դուրս է եկել Մ17 աշխարհի առաջնության եզրափակիչ

Բաքվում ընթացող ըմբշամարտի մինչև 17 տարեկանների աշխարհի առաջնությունում աշխարհի ու Եվրոպայի Մ17 տարեկանների առաջնությունների հաղթող Ջանես Նազարյանը դուրս է եկել եզրափակիչ:

71 կգ քաշային Նազարյանը, որը 3 վստահ հաղթանակներից հետո դուրս էր եկել կիսաեզրափակիչ, գոտեմարտել է Բուլղարիայի ներկայացուցիչ Քրիստիան Կրաստևի հետ և ժամանակից շուտ 8:0 հաշվով վստահ հաղթանակ տարել մրցակցի նկատմամբ: Ոսկե մեդալի համար Նազարյանը կգոտեմարտի Ռուսաստանի ներկայացուցիչ Ասլան Դզոևի հետ:

Նազարյանը մեկնարկում ժամանակից շուտ 8:0 հաշվով հաղթել էր Նորվեգիայի ներկայացուցիչ Մարտին Լետվիկին, ապա 1/8 եզրափակչում ժամանակից շուտ 9:0 հաշվով ջախջախիչ հաղթանակ էր տարել Թուրքիայի ներկայացուցչի նկատմամբ, իսկ քառորդ եզրափակչում 9-0 հաշվով ժամանակից շուտ առավելության էր հասել հունգարացի մրցակցի նկատմամբ: