Բաքու- Մ17 ԱԱ. Հայ ըմբիշները հաղթել են մեկնարկում

Բաքվում այսօր մեկնարկել է ըմբշամարտի Մ17 տարեկանների աշխարհի առաջնությունը:

55 կգ քաշային, հունահռոմեական ոճի ըմբիշ Գեղամ Եղիազարյանը մեկնարկում վստահ հաղթանակ է տարել ուկրաինացի մրցակցի նկատմամբ ու շարժվում է առաջ:

65 կգ քաշային Վազգեն Մնացականյանը մեկնարկում 7-4 հաշվով առավելության է հասել իրանցի ըմբիշի նկատմամբ՝ հաղթական 4 միավորը վաստակելով բառացիորեն վերջին 2-3 վայրկյանին:

Մ-17 տարեկանների Եվրոպայի առաջնության գործող ոսկե մեդալակիր, 80 կգ քաշային Վահե Հովեյանը ևս մեկնարկել է հաղթանակով. նա գոտեմարտել է վրացի ըմբիշի հետ և 1:1 հաշվով ավարտելով գոտեմարտը՝ դուրս եկել հաջորդ փուլ:

48 կգ Արարատ Ավետիսյանը մեկնարկում վստահ քամբեք է կատարել ու շարժվում է առաջ: Մեքսիկայի ըմբիշի հետ գոտեմարտն Արարատն ավարտել է 14:7 հաշվով հաղթանակով: