Մ17 ԵԱ․ Սուրեն Իշխանյանը՝ Եվրոպայի չեմպիոն (տեսանյութ)

Բուլղարիայում ընթացող Մ17 տարեկանների ազատ ոճի ըմբշամարտի Եվրոպայի առաջնության 55 կգ քաշային կարգում Հայաստանը ներկայացնող Սուրեն Իշխանյանը հռչակվեց Եվրոպայի չեմպիոն՝ եզրափակիչում 8։2 հաշվով առավելության հասնելով Ռուսաստանը ներկայացնող Օսման Թեմիրսուլթանովի նկատմամբ։

Ավելի վաղ, Իշխանյանը ժամանակից շուտ 2 հաղթանակ էր տարել՝ դուրս գալով կիսաեզրափակիչ, որտեղ 15:4 հաշվով ջախջախել էր ադրբեջանցի Աբբաս Շաֆիևին։

Հայաստանի մյուս ներկայացուցիչներից 45 կգ քաշային Էրիկ Ղազարյանը վաղը կպայքարի բրոնզե մեդալի համար, 71 կգ քաշային Ավետիք Թութխալյանը կանցկացնի սփոփիչ գոտեմարտ, իսկ 48 կգ քաշային Գեղամ Հովսեփյանը, 51 կգ քաշային Արեն Փիրուզյանը, 60 կգ քաշային Տիգրան Կոլոտյանը, 65 կգ քաշային Ռազմիկ Ոսկանյանը, 80 կգ Եղիշե Մոսեսյանը, 92 կգ Արթուր Մկրտչյանը և 110 կգ Վռամ Սահակյանը կորցրել են մեդալների համար պայքարելու հնարավորությունը։