Ալկարասը վնասվածքի պատճառով բաց կթողնի Ռոլան Գարոսը և Հռոմի Մասթերսը

Աշխարհի երկրորդ ռակետ Կառլոս Ալկարասը հայտարարել է, որ չի մասնակցի Հռոմի «Մասթերսին» և «Ռոլան Գարոսին»։ Իսպանացի թենիսիստը դաստակի վնասվածք էր ստացել Բարսելոնայի մրցաշարի ժամանակ։

«Այսօրվա հետազոտությունների արդյունքներով մենք որոշեցինք զգուշություն ցուցաբերել և բաց թողնել Հռոմն ու «Ռոլան Գարոսը»։ Մեզ ժամանակ է հարկավոր վերականգնման ընթացքը գնահատելու և հասկանալու համար, թե երբ կկարողանամ վերադառնալ կորտ։

Սա ինձ համար հեշտ պահ չէ, բայց վստահ եմ, որ մենք կհաղթահարենք և կդառնանք ավելի ուժեղ», – գրել է Ալկարասն իր սոց․ ցանցերի էջերում։

Ավելի վաղ Ալկարասը դաստակի վնասվածքի պատճառով ստիպված էր եղել բաց թողնել Բարսելոնայի ATP-500 մրցաշարն ու Մադրիդի «Մասթերսը»։ «Ռոլան Գարոսն» այս տարի անցկացվելու է Ֆրանսիայում՝ մայիսի 24-ից հունիսի 7-ը։