Վանը կամային հաղթանակ տարավ Արարատի դեմ խաղում (տեսանյութ)

Fastex Պրեմիեր լիգայի 20-րդ տուրում «Վանը» հյուրընկալվել էր «Արարատին» ու հաղթեց 2։1 հաշվով։

18-րդ րոպեին Մամադու Դումբիան բացեց հանդիպման հաշիվը, սակայն թիմերը ընդմիջման գնացին հավասար հաշվի պայմաններում։ 1-ին կեսին ավելացրած 2-րդ րոպեին Պետրոս Ավետիսյանը դիպուկ իրացրեց Հայկ Թաթոսյանի վաստակած 11-մետրանոցը։

Չարենցավանը ներկայացնող ակումբի հաղթական գոլը հեղինակեց Նարեկ Մանուկյանը՝ 65-րդ րոպեին։

Այս հաղթանակից շնորհիվ «Վանը» վաստակում է 25 միավոր ու 6-րդն է։ «Արարատը» 6 միավորով վերջին՝ 10-րդ տեղում է։

Հիշեցնենք, որ տուրի մյուս խաղերում կկայանան «Նոա»-ԲԿՄԱ (05.04, 16:00), «Ուրարտու»-«Գանձասար» (05.04, 19:00), «Շիրակ»-«Փյունիկ» (06.04, 17:00) և «Արարատ-Արմենիա»-«Ալաշկերտ» (06.04, 19:00) հանդիպումները։