Հայաստանը ներկայացնող 3 թենիսիստ՝ ATP ու WTA վարկանիշային աղյուսակներում

ATP-ի և WTA-ի վարկանիշային աղյուսակներում ընդգրկված են Հայաստանը ներկայացնող 3 թենիսիստներ:

Տղամարդկանց վարկանիշային աղյուսակում է Դանիլ Սարգսյանը, որը թարմացված ցանկում առաջադիմել է 19 տեղով և այժմ 1010-րդն է: Դանիլը 19 տարեկան է և կարիերայի ընթացքում արդեն երկու տիտղոս է նվաճել:

Կանանց վարկանիշային աղյուսակում Էլինա Ավանեսյանը նահանջել է ևս 58 տեղով և այժմ 388-րդն է: Հիվանդությունից հետո նա չի կարողանում վերադառնալ լավագույն մարզավիճակին: Մեկ տարի առաջ 23-ամյա թենիսիստուհին աշխարհում 36-րդն էր, ինչը նրա անձնական ռեկորդն է:

Կանանց վարկանիշային աղյուսակում 7 տեղով առաջադիմել է Անի Ամիրաղյանը և այժմ 767-րդն է: Հայաստանի նախկին առաջին ռակետը վերջին անգամ մենախաղում մրցել է մարտի 1-ին, իսկ առաջադիմել է մյուս խաղացողների նահանջի արդյունքում: