ՉԼ. Բարսելոնան ընդհանուր 12:2 հաշվով հաղթել է Ռեալին ու դուրս եկել կիսաեզրափակիչ

«Բարսելոնայի» կանանց թիմը կրկին ջախջախեց «Ռեալին»: Չեմպիոնների լիգայի 1/4 եզրափակիչի պատասխան խաղում Կատալոնիայի ֆուտբոլիստուհիները սեփական հարկի տակ հաղթեցին 6:0 հաշվով:

Մադրիդում կայացած առաջին հանդիպումը նույնպես ավարտվել էր «կապտանռնագույնների» խոշոր հաղթանակով՝ 6:2:

Պատասխան մրցավեճում «Բարսայի» կազմում գոլի հեղինակ դարձան Ալեքսիա Պուտելյասը, Քարոլին Գրեմ-Հանսենը (դուբլ), Իրենե Պարեդեսը, Էվա Պայորը և Էսմե Բրյուգտսը:

Այսպիսով, «Բարսելոնան» հաղթեց ընդհանուր 12:2 հաշվով և դուրս եկավ կիսաեզրափակիչ, որտեղ կհանդիպի «Բավարիային»:

Մյուս կիսաեզրափակիչում «Արսենալը» կխաղա «Վոլֆսբուրգի» կամ «Լիոնի» դեմ (առաջին խաղը՝ 1:0):

Նշենք, որ «Բարսան» երեք անգամ հաղթել է կանանց Չեմպիոնների լիգան (2020/21, 2022/23, 2023/24) և երկու անգամ խաղացել է եզրափակիչներում (2018/19, 2021/22):