Սուրեն Աղաջանյանը՝ Եվրոպայի Մ23 չեմպիոն (տեսանութ)

Սերբիայի Զրենյանին քաղաքում ընթացող Մ23 տարեկանների Եվրոպայի առաջնությունում 60 կգ քաշային Սուրեն Աղաջանյանը հռչակվեց Եվրոպայի չեմպիոն։

Եզրափակիչ գոտեմարտում հայ ըմբիշը 9։0 հաշվով ջախջախեց վրացի Գիորգի Կոչալիձեին։

Մինչ եզրափակիչ հասնելը հայ ըմբիշը պայքարից դուրս էր թողել Ֆրանսիայի (9:0), Լեհաստանի (10:8) ու Դանիայի (9:1) ներկայացուցիչներին։

Ավելի վաղ, հունահռոմեական ոճում ոսկե մեդալակիր էր դարձել 130 կգ քաշային Արամայիս Հարությունանը։ Արծաթե մեդալ էր նվաճել 77 կգ քաշային Սամվել Տերտերյանը, բրոնզե մեդալ՝ 55 կգ քաշային Մանվել Խաչատրյանը։

Քիչ անց բրոնզե մեդալի համար կպայքարի 72 կգ քաշային Աշոտ Խաչատրյանը։