Լևիկ Միքայելյանը հաղթեց ադրբեջանցի ըմբիշին՝ հռչակվելով Եվրոպայի Մ23 չեմպիոն (տեսանյութ)

Սերբական Զրենյանին քաղաքում ընթանում է ազատ ոճի ըմբշամարտի Մ23 տարեկանների Եվրոպայի առաջնությունը։

Հայաստանի ներկայացուցիչ, 61 կգ քաշային Լևիկ Միքայելյանը եզրափակիչ գոտեմարտում 2։1 հաշվով առավելության հասավ ադրբեջանցի Ջեյհուն Ալլահվերդիևի նկատմամբ՝ հռչակվելով Եվրոպայի Մ23 կրկնակի չեմպիոն։

Ավելի վաղ Միքայելյանը պայքարից դուրս էր թողել Մոլդովայի ներկայացուցիչ Վասիլյե Մարկուին (4։1), բուլղարացի Էրդալ Գալիպին (1։1), իսկ կիսաեզրափակիչում առավելության էր հասել թուրք Տոլգա Օզբեկի նկատմամբ։



Հիշեցնենք, որ երեկ Հայաստանի ներկայացուցիչներից բրոնզե մեդալ էին նվաճել 57 կգ քաշային Արման Հարությունյանն ու 70 կգ քաշային Դավիթ Մարգարյանը։