Խաչանովը մեկնարկեց կամային հաղթանակով

Դուբայում մեկնարկել է ATP 500 կարգի մրցաշարը, որին մասնակցում է Ռուսաստանը ներկայացնող հայ թենիսիստ Կարեն Խաչանովը:

Իր առաջին խաղում Խաչանովը մրցեց Ղազախստանը ներկայացնող Ալեքսանդր Շևչենկոյի հետ և առավելության հասավ 6:7 (5), 6:2, 6:3 հաշվով: Հանդիպման ընթացքում աշխարհի 16-րդ ռակետն իր մատուցման որևէ գեյմ չի պարտվել, այնուհանդերձ առաջին սեթը զիջել է թայ-բրեյքում:

Խաչանովն ու Շևչենկոն երրորդ անգամ էին հանդիպում: Անհատական դիմակայությունում Կարենն առաջ անցավ 2:1 հաշվով:

1/8 եզրափակիչում հայ թենիսիստը մրցելու է ամերիկացի Ջենսոն Բրուքսբիի հետ: Նրանց միջև դիմակայությունում հաղթանակների հաշիվը հավասար է՝ 1:1: