Հայաստանում բոլորը կարող են հպարտ լինել այս թիմով. Պերկովիչ
«Նոայի» գլխավոր մարզիչ Սանդրո Պերկովիչը ԿԼ անցումային փլեյ-օֆֆ փուլի առաջին խաղում «ԱԶ Ալկմարի» նկատմամբ տարած փայլուն հաղթանակից հետո կիսվել է տպավորություններով:
«Ցանկանում եմ շնորհավորել իմ խաղացողներին՝ թե՛ դաշտում, թե՛ պահեստայիններին: Մեծ շնորհակալություն բոլոր նրանց, ովքեր եկել էին մարզադաշտ:
Մթնոլորտն իսկապես հիանալի էր: Խաղից առաջ ասել էի, որ ֆուտբոլում չեմ կարող հաղթանակ խոստանալ, բայց խոստանում եմ, որ խաղին ներկա երկրպագուները կհպարտանան մեր թիմով: Վստահ եմ՝ այս հաղթանակից հետո Հայաստանում բոլորը հպարտ են այս տղաներով»,- ասել է Պերկովիչը:
Նա նշել է՝ պատասխան խաղը ևս հեշտ չի լինելու, բայց կփորձեն լավագույնս հանդես գալ:
«Չէի ասի, թե միայն առաջին րոպեներն էին բարդ. ամբողջ խաղը դժվար ստացվեց: Ժատ տառապեցինք, բայց իմ խաղացողները կռիվ էին տալիս ու պայքարում էին մեկը մյուսի համար: Դա ինձ շատ դուր եկավ: Ուրախ եմ այս պատմական արդյունքի համար: Ուրախ եմ նաև Հովհաննես Համբարձումյանի համար, որը դարձավ առաջին հայ ֆուտբոլիստը, որը գոլ հեղինակեց այս փուլում»,- նշել է մարզիչը:
Հիշեցնենք՝ «Նոան» նվազագույն հաշվով հաղթանակ տարավ Հովհաննես Համբարձումյանի խփած միակ գոլի շնորհիվ: Թիմերի միջև պատասխան խաղը կկայանա Ալկմարում փետրվարի 26-ին:
