Լիդսը և ևս մի քանի եվրոպական ակումբ հետաքրքրված են Սպերցյանով

«Կրասնոդարի» կիսապաշտպան և ավագ Էդուարդ Սպերցյանը գրավում է մի շարք եվրոպական ակումբների, այդ թվում՝ անգլիական «Լիդս Յունայթեդի» ուշադրությունը։

Այս մասին X սոցիալական ցանցում հայտնել է լրագրող և ինսայդեր Հրաչ Խաչատրյանը։

Աղբյուրի փոխանցմամբ՝ այս փուլում Սպերցյանի համար «Կրասնոդարը» պաշտոնական առաջարկ չի ստացել, սակայն եվրոպական ակումբների հետաքրքրությունը Էդուարդի նկատմամբ բավականին մեծ է։

Անցյալ մրցաշրջանում Սպերցյանը «Կրասնոդարի» կազմում անցկացրել է 35 խաղ բոլոր մրցաշարերում, որոնցում խփել է 11 գոլ և կատարել յոթ գոլային փոխանցում։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2026 թվականի ամառը։ Transfermarkt ինտերնետային պորտալում ներկայացված տեղեկատվության համաձայն՝ 24-ամյա ֆուտբոլիստի շուկայական արժեքը կազմում է 20 միլիոն եվրո։