Ռոլան Գարոս․ Խաչանովը պարտվեց 106-րդ ռակետին ու լքեց պայքարը

«Մեծ Սաղավարտի» տարվա 2-րդ մրցաշարում՝ Ռոլան Գարոսում, Ռուսաստանը ներկայացնող հայ թենիսիստ, ATP դասակարգման աղյուսակի 15-րդ համար Կարեն Խաչանովը 1/16 եզրափակիչում 2։3 հաշվով զիջեց Նիդերլանդները ներկայացնող Յասպեր Դե Յոնգին։ 

Առաջին սեթում Կարենը զիջեց 5։7, երկրորդում առավելության հասավ նույն հաշվով, երրորդ սեթում տանուլ տվեց 2։6։ Չորրորդ սեթում պարտվելով 2։5 հաշվով՝ Կարենը առավելության հասավ թայ-բրեյքում 7։2։ Վճռորոշ՝ 5-րդ սեթում Դե Յոնգը երկու անընդմեջ բրեյք կատարեց հենց մեկնարկում ու առավելության հասավ 6։2 հաշվով։

4 ժամ 19 րոպե տևած մրցախաղի ընթացքում Խաչանովը կատարեց 15, մրցակիցը՝ 17 էյս։ Նիդերլանդացին թույլ տվեց 9 կրկնակի սխալ, Կարենը՝ 2։

Այսպիսով, աշխարհի 106-րդ ռակետը դուրս եկավ 1/8 եզրափակիչ, որտեղ կմրցի Հալիս (Ֆրանսիա)-Զվերև (Գերմանիա) զույգի հաղթողի հետ։ Ավելի վաղ, Դե Յոնգը պայքարից դուրս էր թողել Ֆեդերիկո Չինային և Ստան Վավրինկային։