Ինտերը հաղթեց Լացիոյին․ Մխիթարյանը՝ գոլի հեղինակ (տեսանյութ)

Իտալիայի առաջնության 36-րդ տուրում «Ինտերը» հյուրընկալվել էր «Լացիոյին» ու հաղթեց 3։0 հաշվով։

6-րդ րոպեին հանդիպման հաշիվը բացեց Լաուտարո Մարտինեսը։ 39-րդ րոպեին Պետար Սուչիչը մեծացրեց հյուրերի առավելությունը։ 59-րդ րոպեին Ալեսիո Ռոմանյոլին ուղիղ կարմիր քարտով հեռացվեց խաղադաշտից՝ «Լացիոյին» թողնելով 10 հոգով։

Հայաստանի ազգային հավաքականի լավագույն ռմբարկու Հենրիխ Մխիթարյանն ընդգրկված էր «Ինտերի» մեկնարկային կազմում ու մասնակցեց ամբողջ հանդիպմանը։ Հայ ֆուտբոլիստը 76-րդ րոպեին խփեց իր թիմի 3-րդ գոլը։ Տեսանյութը՝ այստեղ։ Սա 37-ամյա կիսապաշտպանի երկրորդ անընդմեջ գոլն էր ու 4-րդը՝ այս մրցաշրջանում։

85-րդ րոպեին Մխիթարյանը զգուշացվեց դեղին քարտով։

Այս հաղթանակի շնորհիվ մրցակիցների համար անհասանելի դարձած ու 21-րդ չեմպիոնությունը նվաճած «Ինտերն» ունի 85 միավոր։ «Լացիոն» 51 միավորով 8-րդ տեղում է։

Այս թիմերը մայիսի 13-ին կհանդիպեն Իտալիայի գավաթի խաղարկության եզրափակիչում։