Այս երիտասարդ թիմով 2-րդ անգամ չեմպիոն դառնալն ապշեցուցիչ է և Իսպանիայի համար ոչ բնորոշ երևույթ․ Հանսի Ֆլիկ

«Բարսելոնայի» գլխավոր մարզիչ Հանսի Ֆլիկը կիսվել է սպասումներով Լա Լիգայում հնարավոր չեմպիոնության վերաբերյալ։ Հիշեցնենք, որ կատալոնացիներին բավական է այսօր կայանալիք «Ռեալի» դեմ խաղում ոչ-ոքի գրանցել՝ չեմպիոնական տիտղոսը պաշտպանելու համար։

«Այստեղ տիրող մթնոլորտն ու ֆուտբոլիստների միջև առկա կապն իսկապես յուրահատուկ են։ Մենք ունենք իսկական վարպետներ, համաշխարհային կարգի խաղացողներ։ Ֆուտբոլիստների միջև փոխըմբռնումը հիանալի է, հատկապես ակադեմիայի սաների միջև, ովքեր միմյանց ճանաչում են արդեն երկար տարիներ։

Այսքան երիտասարդ թիմով երկրորդ անընդմեջ տիտղոսը նվաճելն անհավանական կլիներ։ Տղաները հիանալի աշխատանք են կատարել, և հիմա մենք ցանկանում ենք դառնալ չեմպիոն երկրորդ տարին անընդմեջ։ Դա ապշեցուցիչ է և Իսպանիայի համար ոչ բնորոշ երևույթ», — նշել է «Բարսելոնայի» գլխավոր մարզիչը։

«Բարսելոնա»-«Ռեալ Մադրիդ» հանդիպումը կմեկնարկի 23։00-ին։