Երկու 11-մետրանոցները հաղթանակ պարգևեցին Փյունիկին (տեսանյութ)

Fastex Պրեմիեր լիգայի 25-րդ տուրում «Փյունիկն» ընդունել էր ԲԿՄԱ-ին ու հաղթեց 2։0 հաշվով։

Նախ 41-րդ րոպեին Մարիուս Նուբիսին, ապա 89-րդ րոպեին դիպուկ իրացնելով 11-մետրանոցները ձևակերպեցին հանդիպման հաշիվը։ 2 դեպքում էլ խաղի կանոնները խախտեց Արգիշտի Պետրոսյանը։

Այս հաղթանակի շնորհիվ Արտակ Օսեյանի գլխավորած թիմը 47 միավորով 2-րդ տեղում է։ ԲԿՄԱ-ն 22 միավորով 7-րդն է։

Հիշեցնենք, որ տուրի մեկնարկային խաղում «Վանը» նվազագույն հաշվով հաղթել էր «Շիրակին», «Ալաշկերտը» 3։1 հաշվով առավելության էր հասել «Գանձասարի» նկատմամբ։ Տուրը կավարտվի վաղը կայանալիք «Արարատ»-«Ուրարտու» (16։00) և «Արարատ-Արմենիա»-«Նոա» (19:00) խաղերով։