Խելահեղ հանդիպում Լիվերպուլում․ Ման․ Սիթին փրկվեց պարտությունից (տեսանյութ)

Անգլիայի Պրեմիեր լիգայի 35-րդ տուրում «Մանչեսթեր Սիթին» հյուրընկալվել էր «Էվերթոնին»։ Հանդիպումն ավարտվեց 3։3 հաշվով։

43-րդ րոպեին Ժերեմի Դոկուն բացեց հանդիպման հաշիվը։ 

Երկրորդ կեսում տանտերերը կարողացան 3 գնդակ ուղարկել Ջանլուիջի Դոնարումայի պաշտպանած դարպասը։ Նախ 68-րդ րոպեին աչքի ընկավ Թիերնո Բարին, ապա 5 րոպե անց Ջեյք Օ'Բրայենը առաջ մղեց «Էվերթոնին», իսկ 81-րդ րոպեին Բարին դուբլ ձևակերպեց։

Բարիի երկրորդ գոլից հետո «Մանչեսթեր Սիթին» հանդիպումը սկսեց կենտրոնից ու հենց այդ գրոհով կրճատեց հաշվի տարբերությունը։ Աչքի ընկավ Էրլինգ Հոլանդը։ «Քաղաքբնակներին» պարտությունից փրկեց Ժերեմի Դոկուն՝ հիմնական ժամանակին ավելացրած 7-րդ րոպեին գրավելով Ջորդան Պիկֆորդի դարպասը։

Այս խաղից հետո «Մանչեսթեր Սիթին» վաստակեց 71 միավոր ու 5 միավորով զիջում է առաջատար «Արսենալին», որից մեկ խաղ պակաս է անցկացրել։ «Էվերթոնը» 48 միավորով 10-րդն է։