Ցրվենա Զվեզդան հաղթեց․ Տիկնիզյանը՝ գոլային փոխանցման հեղինակ (տեսանյութ)

Սերբիայի առաջնության չեմպիոնական շրջանի 4-րդ ռաունդում «Ցրվենա Զվեզդան» հյուրընկալվել էր «Չուկարիչիկիին» ու հաղթեց 2։1 հաշվով։

Չեմպիոնական տիտղոսն արդեն նվաճած «Ցրվենա Զվեզդայի» կազմում դուբլ ձևակերպեց Բրունո Դուարտեն։ Բրազիլացի հարձակվողը նախ 27-րդ րոպեին աչքի ընկավ Նաիր Տիկնիզյանի փոխանցումից, ապա 5 րոպե անց դիպուկ իրացրեց 11-մետրանոցը։ Հայաստանի ազգային հավաքականի պաշտպանն  ընդգրկված էր հյուրերի մեկնարկային կազմում ու փոխարինվեց 70-րդ րոպեին։ «Չուկարիչիկիի» միակ գոլը հեղինակեց Սամբու Սիսոկոն՝ 37-րդ րոպեին։

Այս հաղթանակի շնորհիվ մրցակիցների համար անհասելի դարձած «Ցրվենա Զվեզդան» վաստակեց 85 միավոր։ «Չուկարիչիկին» 43 միավորով 8-րդն է։