Զիդանը մերժել է Ռեալին հանուն Ֆրանսիայի հավաքականի

Մադրիդի «Ռեալի» ներկայացուցիչները նախորդ տարվա դեկտեմբերին կապ են հաստատել Զինեդին Զիդանի հետ՝ առաջարկելով նրան երրորդ անգամ ստանձնել թիմի գլխավոր մարզչի պաշտոնը։ Այս մասին հայտնում է հեղինակավոր As պարբերականը։

Ըստ աղբյուրի՝ Խաբի Ալոնսոյի հեռացումն արդեն կանխորոշված էր, սակայն այդ պահին ակումբին չէր հաջողվել գտնել իդեալական փոխարինող։ Արդյունքում թիմը մեկնեց Սաուդյան Արաբիա՝ մասնակցելու Իսպանիայի սուպերգավաթին, որից հետո ընտրությունը կատարվեց հօգուտ Ալվարո Արբելոայի։

Զիդանի վերադարձին խանգարել է այն հանգամանքը, որ ֆրանսիացի մասնագետն արդեն իսկ պայմանավորվածություն և պարտավորություն ուներ՝ ստանձնելու Ֆրանսիայի հավաքականի գլխավոր մարզչի պաշտոնը Դիդյե Դեշամի հեռանալուց հետո։ Նշվում է, որ թեև Զիդանի հավատարմությունը մադրիդյան ակումբին կասկածից վեր է, սակայն հնարավոր վերադարձի շուրջ քննարկումները տեղի են ունեցել չափազանց ուշ։

Հիշեցնենք, որ Զինեդին Զիդանը գլխավորել է «Մադրիդը» 2016-2018 և 2019-2021 թվականներին։ Նրա գլխավորությամբ ակումբը նվաճել է 11 տիտղոս։