Բարսելոնան հաղթեց ու այս տուրում Ռեալի միավորների կորստի դեպքում կնվաճի չեմպիոնությունը

Իսպանիայի առաջնության 34-րդ տուրում «Բարսելոնան» հյուրընկալվել էր «Օսասունային» ու հաղթեց 2։1 հաշվով։ 

Նախ 81-րդ րոպեին Ռոբերտ Լևանդովսկին բացեց խաղի հաշիվը, իսկ 86-րդ րոպեին Ֆերան Տորեսը կրկնապատկեց կատալոնական ակումբի առավելությունը։ 2 րոպե անց Ռաուլ Գարսիա դե Հարոն կրճատեց հաշվի տարբերությունը։

Այս հաղթանակի շնորհիվ Հանսի Ֆլիկի սաները վաստակեցին 85 միավոր ու միանձնյա գլխավորում են մրցաշարային աղյուսակը՝ ունենալով 11 միավորի առավելություն Մադրիդի «Ռեալի» նկատմամբ, որը իր հանդիպումը կանցկացնի մայիսի 3-ին՝ հյուրընկալվելով «Էսպանյոլին»։ Մեկնարկը՝ 23։00-ին։

Այդ խաղում մադրիդցիների միավորների կորուստի դեպքում «Բարսելոնան» կհռչակվի Իսպանիայի չեմպիոն։

«Օսասունան» 10-րդն է՝ 42 միավորով։