Պարտության անսպասելի պատճառ. Մրցակիցն ավելի երիտասարդ էր

Աշխարհի 31-րդ ռակետ Ժոաո Ֆոնսեկան անսպասելի փաստով է բացատրել իր պարտությունը Մադրիդի «Մաստերսի» 1/16 եզրափակիչում: Բրազիլացին 6:7 (4), 6:4, 1:6 հաշվով պարտվել է իսպանացի Ռաֆայել Խոդարին:

«Սա ATP մրցաշարերում իմ առաջին հանդիպումն էր ավելի երիտասարդ մրցակցի դեմ: Այդ փաստն ինձ մի փոքր նյարդայնացնում էր: Ես պետք է դասեր քաղեմ նման իրավիճակներից: Այսօրվա խաղում ամենակարևորը հոգեբանական կողմն էր. հունից դուրս էի եկել: Իմ պահվածքը կորտում պետք է ավելի լավը լինի: Սա այն է, ինչի վրա ես դեռ պետք է աշխատեմ»,- Ֆոնսեկայի խոսքն է մեջբերում Sportskeeda Tennis-ը:

Ուշագրավ է, որ 19-ամյա Ֆոնսեկայի ու 19-ամյա Խոդարի տարիքային տարբերությունն ընդամենը 27 օր է: