Արարատ-Արմենիան խոշոր հաշվով հաղթեց Արարատին․ Սերոբյանը՝ հեթ-տրիկի հեղինակ (տեսանյութ)

Fastex Պրեմիեր լիգայի 23-րդ տուրում «Արարատ-Արմենիան» ընդունել էր «Արարատին» ու 4 անպատասխան գնդակ ուղարկեց վերջինիս դարպասը։

Հեթ-տրիկ ձևակերպեց Արթուր Սերոբյանը՝ 22, 28 և 59-րդ րոպեներին։ 86-րդ րոպեին էլ աչքի ընկավ Ալիուն Նդուրը։

Այս հաղթանակից հետո Մանուել Տուլիպայի գլխավորած թիմը 48 միավորով գլխավորում է մրցաշարային աղյուսակը։ «Արարատը» վերջինն է 9 միավորով։

Հիշեցնենք, որ տուրի մեկնարկային խաղում ԲԿՄԱ-ն 2։1 հաշվով հաղթել էր «Վանին», «Փյունիկը» նույն հաշվով առավելության էր հասել «Ուրարտուի» նկատմամբ, իսկ «Ալաշկերտն» ու «Նոան» հաղթողին չէին պարզել՝ 1։1․

Տուրը կեզրափակվի վաղը կայանալիք «Գանձասար»-«Շիրակ» խաղով։ Մեկնարկը՝ 16։00-ին։