Առաջին կեսում 0։3, երկրորդում՝ 4։3․ Բավարիայի սուպերքամբեքը (տեսանյութ)

Գերմանիայի առաջնության 31-րդ տուրում Մյունխենի «Բավարիան» հյուրընկալվել էր «Մայնցին» ու առաջին կեսում զիջելով 3 գնդակի տարբերությամբ՝ երկրորդում մրցակցի դարպասը 4 գնդակ ուղարկեց։

Խաղի հաշիվը բացեց Դոմինիկ Կորը՝ 15-րդ րոպեին։ 29-րդ րոպեին Պաուլ Նեբելը կրկնապատկեց «Մայնցի» առավելությունը, իսկ առաջին կեսին ավելացրած 2-րդ րոպեին Շերալդո Բեքերը խփեց իր թիմի 3-րդ գոլը։

Երկրորդ կեսի մեկնարկում խաղադաշտ մտան Հարի Քեյնն ու Մայքլ Օլիսեն ու արդեն 53-րդ րոպեին հյուրերին հաջողվեց հետ բերել 1 գնդակ։ Աչքի ընկավ Նիկոլաս Ջեքսոնը։ 73-րդ րոպեին Մայքլ Օլիսեն խփեց մյունխենյան ակումբի 2-րդ գոլը, 80-րդ րոպեին Ջամալ Մուսիալան վերականգնեց հաշվի հավասարությունը, իսկ 3 րոպե անց Հարի Քեյնը հաղթանակ պարգևեց «Բավարիային», որը նախորդ տուրում արդեն ապահովել էր չեմպիոնությունն ու այս պահին ունի 82 միավոր։

«Մայնցը» 34 միավորով 10-րդ տեղում է։