Հրայր Ալիխանյանը ջախջախեց սփոփիչ գոտեմարտում և կպայքարի բրոնզի համար

Ալբանիայի մայրաքաղաք Տիրանայում ընթացող ազատ ոճի ըմբշամարտի Եվրոպայի առաջնության 79 քաշային կարգում Հայաստանը ներկայացնող Հրայր Ալեխանյանը սփոփիչ գոտեմարտում 10-0 հաշվով ջախջախեց ուկրաինացի Վիտալի Մալենկովին ու բրոնզե մեդալի համար կգոտեմարտի Ֆրանսիան ներկայացնող Զելիմխան Խաջիևի հետ։

Հիշեցնենք, որ բրոնզե մեդալների համար կպայքարեն նաև 57 կգ քաշային Մանվել Խնձրցյանն ու 65 կգ քաշային Վազգեն Թևանյանը։

Այսօր պայքարի մեջ կմտնեն 61 կգ քաշային Արսեն Հարությունյանը, 74 կգ քաշային Նարեկ Հարությունյանը, 96 կգ քաշային Մուշեղ Մկրտչյանը և 125 կգ քաշային Խաչատուր Խաչատրյանը։