Սլավիկ Գալստյանը երկու րոպեում հաղթել է մրցակցին և դուրս եկել ԵԱ-ի քառորդ եզրափակիչ

Ալբանիայում ընթացող ըմբշամարտի Եվրոպայի առաջնությունում Հայաստանի ներկայացուցիչներ 82 կգ քաշային Սամվել Գրիգորյանը և 60 կգ քաշային Սուրեն Աղաջանյանը, ինչպես նաև 67 կգ քաշային Սլավիկ Գալստյանը դուրս են եկել քառորդ եզրափակիչ:

1/8 եզրափակչում Գրիգորյանի մրցակից Վիկտոր Նեմեշը վնասվածքի պատճառով հրաժարվել է հետագա պայքարից, իսկ Սուրեն Աղաջանյանը մեկնարկում տուշեով հաղթել է իտալացի Թոմասո Բոսիին:  67 կգ քաշային Սլավիկ Գալստյանն էլ 2 րոպեում հաղթել է Անդրեաս Վետշին ու նվաճել 1/4 եզրափակչի ուղեգիր:

Պայքարը շարունակում է նաև 72 կգ քաշային Գասպար Տերտերյանը, որը մեկնարկում հաղթել է Քրիստոֆեր Դալենին: