Ըմբշամարտի ԵԱ. Մալխաս Ամոյանը եզրափակչում է (տեսանյութ)

Ալբանիայի մայրաքաղաք Տիրանայում ընթացող ըմբշամարտի Եվրոպայի առաջնությունում Հայաստանի ներկայացուցիչ 77 կգ քաշային Մալխաս Ամոյանը դուրս է եկել եզրափակիչ և կպայքարի հին աշխարհամասի 5-րդ չեմպիոնության համար: 

Եվրոպայի քառակի չեմպիոնը կիսաեզրափակչում մրցել է Մոլդովայի ներկայացուցիչ Ալեքսանդրին Գուտուի հետ և 3:1 հաշվով հաղթանակ տարել: Տեսանյութը՝ այստեղ։

Ամոյանը պայքարը սկսել էր 1/8 եզրափակչից, որտեղ 4:0 հաշվով հաղթել էր շվեդ Կառլ Էդվին Հուգո Բաֆին:  Քառորդ եզրափակչում հայ ըմբիշը 10:0 հաշվով ջախջախել էր ուկրաինացի Իրֆան Միրզոևին: