Այնտրախտն ու Հերտան հաղթողին չպարզեցին․ Ռանոսը խաղաժամանակ չստացավ

Գերմանիայի 2-րդ Բունդեսլիգայի 30-րդ տուրում Բրաունշվայգի «Այնտրախտը» ընդունել էր Բեռլինի «Հերտային»։ Հանդիպումն ավարտվեց 1։1 հաշվով։

Ֆաբիան Ռիսի 11-րդ րոպեին խփած գոլին պատասխանեց Մաքս Մարին՝ 78-րդ րոպեին։ 73-րդ րոպեին «Հերտան» մնաց 10 հոգով։ Կարմիր քարտի «արժանացավ» Կենատ Այխհորնը։

Հայաստանի ազգային հավաքականի հարձակվող Հրանտ-Լեոն Ռանոսն ընդգրկված էր տանտերերի հայտացուցակում, սակայն խաղաժամանակ չստացավ։

Այս հանդիպումից հետո Բրաունշվայգը ներկայացնող թիմը 31 միավորով 16-րդ հորիզոնականում է։ «Հերտան» 48 միավորով 6-րդն է։