Անգլիան ամենաշատ ներկայացուցիչներն ունի եվրագավաթներում․ Իտալական ոչ մի ակումբ չի շարունակի պայքարը

Եվրագավաթներում ամենաշատ ներկայացուցիչ ունեցող երկիրը Անգլիան է՝ չորս։ Ֆրանսիան, Գերմանիան, Իսպանիան ունեն երկուական, Ուկրաինային և Պորտուգալիան՝ մեկական ներկայացուցիչ:

Չեմպիոնների լիգայում ելույթները շարունակում են ՊՍԺ-ն (Ֆրանսիա), «Բավարիան» (Գերմանիա), «Ատլետիկոն» (Իսպանիա) և «Արսենալը» (Անգլիա):

Եվրոպա լիգայում մնացել են «Աստոն Վիլան» (Անգլիա), «Նոթինգհեմ Ֆորեսթը» (Անգլիա), «Ֆրայբուրգը» (Գերմանիա) և «Բրագան» (Պորտուգալիա):

Կոնֆերենցիաների լիգայի կիսաեզրափակիչում կխաղան «Շախտյորը» (Ուկրաինա), «Քրիսթալ Փելասը» (Անգլիա), «Ռայո Վալեկանոն» (Իսպանիա) և «Ստրասբուրը» (Ֆրանսիա):

ԱՊԼ-ի առնվազն մեկ թիմ կխաղա Եվրոպա լիգայի եզրափակիչում:

Թոփ 5 առաջնություններից իտալական Ա Սերիայի բոլոր ակումբներն դուրս են մնացել պայքարից։

Չեմպիոնների լիգայում Սերիա Ա-ի վերջին ներկայացուցիչը՝ «Ատալանտան», պայքարից դուրս էր մնացել դեռևս 1/8 եզրափակչից։

Եվրոպա լիգայի քառորդ եզրափակիչում «Բոլոնիան» երկու խաղում էլ պարտվեց «Աստոն Վիլային»։ Կոնֆերենցիաների լիգայում «Ֆիորենտինան» չկարողացավ հաղթահարել «Քրիսթալ Փելասի» արգելքը։

Վերջին անգամ նման արդյունք իտալական ակումբները գրանցել էին 2018/19 մրցաշրջանում, սակայն այն ժամանակ Կոնֆերենցիաների լիգան դեռ գոյություն չուներ։