Վայշալի Ռամեշբաբուն՝ Հավակնորդների մրցաշարի հաղթող

24-ամյա հնդիկ շախմատիստուհի Վայշալի Ռամեշբաբուն դարձել է Կիպրոսում ընթացող Հավակնորդների մրցաշարի հաղթող: Մրցաշարի վերջին՝ 14-րդ տուրում Ռամեշբաբուն հաղթանակ է տարել ռուս Եկատերինա Լագնոյի նկատմամբ:

Այս հաղթանակից հետո Ռամեշբաբուն վաստակել է 8,5 միավոր՝ մրցաշարային աղյուսակում շրջանցելով Ղազախստանի ներկայացուցիչ Բիբիսարա Ասաուբաևային, որը վերջին տուրում ոչ-ոքի է խաղացել հնդիկ Դիվյա Դեշմուխի հետ և մրցաշարն ավարտել 8 միավորով:

Այժմ Վայշալի Ռամեշբաբուն շախմատային թագի համար կմրցի աշխարհի գործող չեմպիոն, չինացի Ցզյու Վենցզյունի հետ:

Հիշեցնենք, որ տղամարդկանց մրցաշարում հաղթող էր ճանաչվել 20-ամյա ուզբեկ Ջավոխիր Սինդարովը։