Խվիչան ՉԼ-ի փլեյ-օֆֆի 3 խաղում արժանացել է լավագույն ֆուտբոլիստի 3 մրցանակի

ՊՍԺ-ի ֆուտբլիստ Խվիչա Կվարացխելիան ճանաչվել է Չեմպիոնների լիգայի քառորդ եզրափակիչի՝ «Լիվերպուլի» դեմ առաջին հանդիպման (2:0) լավագույն խաղացող: Այսպիսով, վրացի վինգերը ճանաչվել է հանդիպման լավագույն ֆուտբոլիստ ընթացիկ մրցաշրջանի Չեմպիոնների լիգայի փլեյ-օֆֆի բոլոր երեք խաղերում:

Ավելի վաղ, Կվարացխելիան լավագույնն էր ճանաչվել եվրոպական ամենահեղինակավոր մրցաշարի 1/8 եզրափակիչի՝ «Չելսիի» դեմ երկու հանդիպումներում (5:2, 3:0): Երեք խաղում Խվիչան «գոլ+փոխանցում» համակարգով վաստակել է 5 (4+1) միավոր:

Ընթացիկ մրցաշրջանում Կվարացխելիան բոլոր մրցաշարերում անցկացրել է 39 հանդիպում, որոնցում դարձել է 13 գոլի և 8 գոլային փոխանցման հեղինակ: Transfermarkt-ի գնահատմամբ՝ Վրաստանի հավաքականի ֆուտբոլիստի տրանսֆերային արժեքը կազմում է 90 միլիոն եվրո: