Նապոլին չի խոչընդոտի Կոնտեին, եթե մասնագետն առաջարկ ստանա Իտալիայի հավաքականից

Անտոնիո Կոնտեն հետաքրքրված է Իտալիայի ազգային հավաքական վերադառնալով։ Այս մասին հայտնում է La Gazzetta dello Sport-ը։

Աղբյուրի համաձայն, «Նապոլին» չի խոչընդոտի թիմի գլխավոր մարզիչ Անտոնիո Կոնտեին, եթե մասնագետն իրավունք ստանա գլխավորել Իտալիայի ազգային հավաքականը։   

Հիշեցնենք, որ օրեր առաջ Իտալիայի ազգային հավաքականը չկարողացավ նվաճել 2026 թվականի աշխարհի առաջնության ուղեգիր՝ անցումային եզրափակիչում պարտվելով Բոսնիայի և Հերցեգովինային, որից հետո ազգային թիմի գլխավոր մարզչի պաշտոնից հեռացել էր Ջենարո Գատուզոն։

Կոնտեն «Նապոլին» մարզում է 2024 թվականից։ Նրա ղեկավարությամբ թիմը նվաճել է երկու տիտղոս՝ դարձել Իտալիայի չեմպիոն և նվաճել երկրի Սուպերգավաթը։ Նախկինում մասնագետը աշխատել է նաև «Ատալանտայում», «Յուվենտուսում», «Ինտերում», «Չելսիում», «Տոտենհեմում» և այլ ակումբներում։