Երկու տարբեր խաղակեսեր էին․ Տուլիպա

Հայաստանի գավաթի խաղարկության քառորդ եզրափակիչի պատասխան խաղում «Արարատ-Արմենիան»  2 անպատասխան գնդակ ուղարկեց «Շիրակի» դարպասն ու դուրս եկավ կիսաեզրափակիչ։ 

Խաղից հետո «Արարատ-Արմենիայի» գլխավոր մարզիչ Մանուել Տուլիպան ասել է հետևյալը․ 

«Երկու շատ տարբեր խաղակեսեր էին։ Առաջին կեսում «Շիրակը» շատ լավ տպավորություն թողեց։ Մեզ համար դժվար էր այդ ճնշման տակ խաղալը, քանի որ ազատ ֆուտբոլիստներ գրեթե չէին լինում։ Առաջին կեսում մեզ ոչ բնորոշ չափի գնդակներ կորցրինք։ Դա մեզ համար անսովոր էր։ Երկրորդ կեսում մեր խաղը շատ փոխվեց։ Մենք կարողացանք գտնել ազատ տարածություններ ու համագործակցությունը խաղադաշտում շատ լավ էր»,-Տուլիպայի խոսքերն է փոխանցում Sportmedia.am-ի թղթակիցը։