Պայքարեցինք, բայց տարրական սխալ թույլ տվեցինք․ Արսեն Հովհաննիսյան

Հայաստանի գավաթի խաղարկության քառորդ եզրափակիչի պատասխան խաղում «Արարատ-Արմենիան»  2 անպատասխան գնդակ ուղարկեց «Շիրակի» դարպասն ու դուրս եկավ կիսաեզրափակիչ։ 

Խաղից հետո «Շիրակի» գլխավոր մարզիչ Արսեն Հովհաննիսյանն ասել է հետևյալը․ 

«Խաղից ասելու շատ բան չկա։ Կռիվ տվեցինք, պայքարեցինք, բայց տարրական սխալ գործեցինք։ Մոտ էինք գոլ խփելուն։ Պահեր ստեղծում ենք, բայց գոլ խփող ֆուտբոլիստի պակաս ունենք այս պահին։ Գավաթային խաղ էր, արտագնա խաղում պարտվել էինք։ Խաղն այնպես էինք փորձում կառուցել, որ գոլ խփեինք, բայց գոլ բաց թողնելուց հետո հոգեբանորեն ազդեց ֆուտբոլիստների վրա»,-Արսեն Հովհաննիսյանի խոսքերն է փոխանցում Sportmedia.am-ի թղթակիցը։