Արսեն Զախարյանի տրանսֆերային արժեքը բարձրացել է՝ ըստ Transfermarkt-ի

Transfermarkt-ը հրապարակել է Լա Լիգայի խաղացողների վերջին շուկայական արժեքները: «Ռեալ Սոսյեդադի»  կիսապաշտպան Արսեն Զախարյանի շուկայական արժեքը աճել է 2.5 միլիոն եվրոյով և ներկայում կազմում է 10 միլիոն եվրո։

Մի շարք վնասվածքներից հետո Զախարյանը նորից սկսել է խաղաժամանակ ստանալ և ընդգրկվել է Ռուսաստանի հավաքականի առաջիկա խաղերի ընդլայնված ցուցակում։

Այս մրցաշրջանում Զախարյանն ակումբի կազմում մասնակցել է Լա Լիգայի 15 հանդիպման, որոնցում աչքի չի ընկել խփած գնդակով։ Նա նաև մասնակցել է Իսպանիայի գավաթի չորս խաղի՝ խփելով մեկ գոլ։

Իսպանիայի առաջնությունում անցկացրած 28 խաղից հետո «Ռեալ Սոսյեդադը» ունի 38 միավոր և զբաղեցնում է մրցաշարային աղյուսակի յոթերորդ հորիզոնականը։