Բենֆիկայի ֆուտբոլիստը պատրաստվում է դատի տալ Մբապեին և Վինիսիուսին

Չեմպիոնների լիգայի փլեյ-օֆֆ փուլի «Բենֆիկա» - «Ռեալ Մադրիդ» հանդիպումից հետո բորբոքված կրքերը տեղափոխվում են իրավական հարթություն: Ինչպես հայտնում է հայտնի El Chiringuito պարբերականը, լիսաբոնյան ակումբի կիսապաշտպան Ջանլուկա Պրեստիանին մտադիր է դատական հայց ներկայացնել Մադրիդի «Ռեալի» աստղային հարձակվողներ Կիլիան Մբապեի և Վինիսիուս Ջունիորի դեմ:

Միջադեպը տեղի էր ունեցել Չեմպիոնների լիգայի անցումային փլեյ-օֆֆի հանդիպման ժամանակ, երբ արգենտինացի կիսապաշտպանին մեղադրել էին Վինիսիուսի հասցեին ռասիստական վիրավորանքներ հնչեցնելու մեջ: ՈւԵՖԱ-ն արդեն իսկ ժամանակավորապես որակազրկել է Պրեստիանիին։ Ընթանում է դեպքի մանրամասն քննությունը:

Չնայած մեղադրանքներին՝ «Բենֆիկայի» ֆուտբոլիստը պատրաստվում է պաշտպանել իր շահերը ոչ միայն սպորտային ատյաններում, Պորտուգալիայի դատական մարմիններում:

Գործի քննությունը բավականին բարդ է ընթանում մի ուշագրավ հանգամանքի պատճառով. նշվում է, որ վիճաբանության պահին Պրեստիանին բերանը փակել է մարզաշապիկով, ինչը գրեթե անհնար է դարձնում տեսագրության միջոցով հասկանալը, թե իրականում ինչ է նա ասել բրազիլացի ֆուտբոլիստին:

«Ռեալի» ու «Բենֆիկայի» միջև պատասխան հանդիպումը կկայանա փետրվարի 25-ին ու կմեկնարկի ուղիղ կեսգիշերին։ Խաղից առաջ պորտուգալական ակումբի գլխավոր մարզիչ Ժոզե Մոուրինյոն հրաժարվել է շփվել ԶԼՄ ներկայացուցիչների հետ։