Նա խմում էր Red Bull, գինի, գարեջուր, ապա հեթ-տրիկ ձևակերպում․ Բեն Չիլվելը՝ Ջեյմի Վարդիի մասին

«Ստրասբուրգի» պաշտպան Բեն Չիլվելը հիշել է «Կրեմոնեզեի» հարձակվող Ջեյմի Վարդիի նախախաղային սովորույթները։

Ֆուտբոլիստները նախկինում միասին հանդես են եկել «Լեսթեր Սիթիում»։

«Ո՞ւմ նախախաղային սովորույթներն են ինձ ամենից շատ տպավորել։ Իհարկե, Ջեյմի Վարդիինը։ Դա այն չէ, ինչ կարելի է խորհուրդ տալ։

Նա մեկ ժամվա ընթացքում խմում էր չորս շիշ Red Bull։ Խաղին նախորդող երեկոյի ընթացքում հյուրանոցում գինի էր խմում, նաև գարեջուր։ Գրեթե չէր քնում։ Գիշերը մոտ երեքին թակում էր իմ դուռը՝ ինձ արթնացնելու համար։

Նա խելագար է։ Բայց այդ ամենից հետո հեթ-տրիկներ էր ձևակերպում», – ասել է Չիլվելը L’Équipe-ին տված հարցազրույցում։