Ֆլիկը պատմել է, թե ինչի շուրջ է զրուցել Բարսելոնայի ֆուտբոլիստների հետ՝ 2 անընդմեջ պարտություններից հետո

«Բարսելոնայի» գլխավոր մարզիչ Հանսի Ֆլիկը հայտնել է, թե ինչի մասին է զրուցել թիմի ֆուտբոլիստների հետ երկու անընդմեջ պարտություններից հետո։

«Վերջին խաղերում մենք չափազանց շատ գոլային պահեր չիրացրինք։ Քննարկել ենք, թե ինչ պետք է փոխենք, որպեսզի վերադառնանք մեր լավագույն մարզավիճակին։ Դա բաց և կառուցողական զրույց էր։ Ես նաև հստակեցրեցի մի քանի հարց։ Կարևոր է կարողանալ ճիշտ գնահատել ստեղծված իրավիճակը, հասկանալ՝ ինչպես արձագանքել դրան և ինչ քայլեր ձեռնարկել առաջընթացի համար», — Ֆլիկի խոսքերն է փոխանցում AS-ը։

Հիշեցնենք, որ փետրվարի 12-ին «Բարսելոնան» Իսպանիայի գավաթի կիսաեզրափակչում 0:4 հաշվով պարտվել էր Մադրիդի «Ատլետիկոյին», իսկ փետրվարի 16-ին Լա Լիգայի 24-րդ տուրում 1:2 հաշվով զիջել էր «Ժիրոնային»։